المنتخب المصرى فوق القمه
بيلعب فى الدوره بعزيمه وهمه
يلاعب كل الفرق ولاه فرقه تهمه
المعلم قال للفريق اللى يجى جنبك لمه
كل المدربين تكش خايفه منه
ولا افيال ولا اسود ولا خضر تهمه
العب يا معلم يا خفيف الد م
هيص ياابوعلى على القمه يا عم
كيدت العوازل وركبتهم الهم
فريقك يا شحاته للنقط بيلم
واحنا وراك بالروح والدم
احنا بنشجع مش بنحارب يا عم
ربنا يبعدنا عن الفرق الغم
احنا بنحب الامان والسلم
بنلعب بحرفه ومهاره وفن
يا جدو يا هداف يا صغير السن
بتخلى الشبكه يركبها جن
والكوره للمرمى بتشتاق وتحن
الكاميرون بتقول هتاخد بالتار
واتوا ياعينى هيولع نار
زيدان بيلعب بجد مش بيهزار
بيقول جول واحد يجيب لهم العار
احمد حسن مبيتكلمش كتير
فى الملعب نسر بيهش العصافير
الكل بيحترمه لانه لاعيب كبير
رغم سنه فى الملعب شويط خطير
على واحده ونص بيرقص رقص
احسن لاعيب يقرب من خط النص
يشوط الكوره ويبصيها من غير ميبص
عارفه طريقها فى الشبكه هس هس
حريف يا حسنى وملك خط النص
فتحى وغالى لاعيبه من طيراز عالى
صيتهم فى الدوره وصل للعلالى
قال فيهم اشعار عصام الشوالى
الكوره مابينهم رايحه جايه ع التوالى
لاعيب صريح وعمره ما بيكدب
الدفاع قال عنه لاعيب متعب
وفى المرمى بيهدف ويرعب
والحارس يعترف ويقول انا مذنب
لما بشوف عماد نفسيا بخاف واتعب
سيد معوض بالكوره زى المكوك
يجرى بالكوره لو الملعب ارضه شوك
لاعيب ماهر وفنان فى الباصه والشوط
الكوره عارفه طريقها مجرد ما يشوط
فتح الله وجمعه ناوين يفتحوا جامعه
يدرسوا فنون الدفاع للاسماء اللامعه
اللى غاوى يتعلم يدرس عند فتح الله وجمعه
فى الملعب دفاع حسن السير والسلوك والسمعه
زى الملقاط على الكوره ينط ويلقط
فريقه يجيب جول يفرح ويزغطط
المهاجم امام الحضرى يقلش ويتلخبط
حارس متمكن فى المرمى ما بيغلط
احنا سافرنا نلعب وبالكاس راجعين
للمره التالته مش هنفرط ولا نستهين
والجمهور معاك هناك وهنا بالملاين
بيدعى ربنا ينصر منتخب مصر الساجدين
